Zohuss
(Text & Musik: Oliver Kerk)

1.

Der Motor brummt, es monoton, Zick verjeiht, ne Augenblick,
ne Hätzschlach lang, ne Blick zorück, wohin denn schon?
Bilder kumme, jonn vorbei, vun Fröher, Jestern, einerlei,
he un do, dä Schauplatz wähselt immer dann,
wenn do denkst do wöörs zohuss, jeiht et Lävve widder loss,
wie e Duumekino flüch vorbei, Fröher, Jestern, einerlei, es einerlei...

Ref.

Zohuss es do, wo ich jään ahnkumm. All die Johre Sökerei...
Noh langer Daare Wääch Dich en d´r ärm nemm, met Jlöck un Angst, m´r weiß nit wie et kütt.
Do un ich, dä Augenblick, wo sich die Ihwichkeit versteck, ne Hätzschlaach lang, die Aure zu:
Dat es et doch, dat es et doch!!!

2.

Rään läuf övver Finsterschieve, Jedanke die wie Wolke drieve,
jrau un blau, räänboorebunt, et es ne ihwieje April.
Sehnsucht zwischen all dä Seele, kilometerlange Wäje
Fähle uns zum Schluss zohuss, immer dann,
wenn Hätz zo Hätz spricht, Blicke treffe, zänke, kriesche, sich verjävve
schwaade, laache, einfach lävve, sibbemohl, sibbemohl!!!

Ref.

Zohuss es do, wo ich jään ahnkumm. All die Johre Sökerei...

3.

Es dat ahle Leed, mer kütt, m´r jeht, Bilder blieve, jlöcklich sinn,
trauere öm dat wat fählt, su es et halt.

Bridge:

Et letzte wat ich dunn, es einfach su ze jonn, ich weiß och nit, wohin dä Wääch uns führt.
Wat sich övver Johre wie en Landkaat selver molt, sinn die Daare, ahn dänne mir zesamme stonn.
Dä Rest zerfällt ze nix, in welche Richtung do och blicks,
et es komisch, als hätt merīt nit jelääv, nit jelääv, nit jelääv!!!

Ref.:

Zohuss es do, wo ich jään ahnkumm. All die Johre Sökerei...