D´r letzte Tango
(Text & Musik: Oliver Kerk)

1.

D´r letzte Tango weet jespellt , danz met, dat ess et doch wat dir jefällt.
D´r letzte Tango läuf, blue Tango blue!
Wieso danz do nit mit, dat jehööt doch och dozo?
Et letzte Leed sollt ne Walzer sinn, meins do.

2.

Die Musik zahlt nit wä bestellt , wä zo lang bliev verliert sie Jeld.
D´r letzte Tango kütt en düür ze stonn.
Dobei wollts do ne Walzer hann.
Dat jilt he nix, wä övrich bliev dä zahlt.

Ref.

D´r letzte Tango läuf, loß die Paillette noch ens funkele ahn dingem Kleid.
Ding Aure speejele dä Glanz vun bunte Lampinions un Kääze.
D´r letzte Zauber määt sich mem eetste Daaresleech dovun.

3.

Do sääs dat mer die Zupp, die mer enschäpp och usszelöffele hätt.
Wat ävver wenn se dir nit schmeck?
Do sääs "Wat kütt dat kütt", dat steck dir ahn d´r Hoot!
Noh solch Grundsätz weet ald lang nit mieh jeloort.

Ref.:

D´r letzte Tango läuf, loß die Paillette noch ens funkele ahn dingem Kleid...

4.

Wä jenooch hät dä ka jonn, wä zovill kritt jeit draan enn.
Wä meint et jing en all nix ahn, dä kütt beim Danze als eetztes draan.
Söök dir jet uss, ävver zum Schluß,
danz do jedenfalls d´r letzte Tango, blue Tango, blue.

Ref.

D´r letzte Tango läuf, loß die Paillette noch ens funkele ahn dingem Kleid...