Schmetterline
(Text & Musik: Oliver Kerk)

1.

Opjewahse joot behütet , später rebelliert , dann jottseidank vernünftig , ävver trotzdämm wild jelääv.
Irjendwann kohm dann die Eine mit der do seßhaft woots.
Dat Puzzle fööch sich jetzt zesamme einfach su, nahtlos

2.

Wat do em Lävve jeschaff häss , dat määt dir keiner noh. Johre vun Entbehrunge, zo koot jekumme kloor.
Kinder wulle älder wääde, Ahle widder Kinder sinn.
Die Probleme hatts do nie, denn dat wor für dich nit drenn.

Ref.

Schmetterlinge fleje un dat noh all dä Johr.
Einmohl de Zick verdriehe, einmohl nur einmohl!
Schmetterlinge fleje, un do dräums dich durch dä Daach.
Wer flüch denkt nit ahn´t Lande, eine koote Sommer lang.

3.

Maloch bess zum affwinke, Zweifel fottjewesch: "Wat nüüdisch ess, ess nüüdisch" un et Thema ess vum Desch.
Für ding Kinder hatts do kein Zick, wann dann och en all dämm Wöhl?
Aff un zo bliev Dir e Stündche volljepack met vill Jeföhl.

Ref.

Schmetterlinge fleje un dat noh all dä Johr...

4.

Do häs dich schwer verändert, ding Ziele sinn erreicht. Eijentlich kööm jetzt die Zick, sich en Rauh en ömzesinn.
Op einmohl kütt et Lävve un knallt dir voll erenn.
Nix ess mieh wie et fröher woor un do weiß nit wohin.

Ref.

Schmetterlinge fleje un dat noh all dä Johr...