Scheißejal
(Text & Musik: Oliver Kerk)

1.

Wenn die Daare furchtbar jrau sinn, un do uss em Finster luurs, un du denkst dir nur dat hälst do nit uss.
Wenn dä Rään de Strooß eraf läuf, un do sühst: die Welt versüff, jit et nur ein Saach, wie m´r dat övverlääv.
Do määhs et Fernsehn ahn un sühs dat m´r ne Superstar söök.
Dat ess wohl dat wat dich am winnigste jöck.

Ref.

(Et ess) Scheißejal, Scheißejal.
Scheißejal, Scheißejal,
Scheißejal, Scheißejal,
Scheißejal, Scheißejal

2.

Et ess löstich, wenn m´r övverläät, wat usserdämm nit interessiert, am Arsch vorbei jeiht, wie dä Rään am Hungk.
Wenn mer sich en de Botz jemaat hät, ess et wirklich ejal, an welchem Bein eraf et en de Schoh läuf.
Da ühm, dä säät: "Ejal wie m´r se drieht, en 88, 88 bliev!"

Ref.

(Et ess) Scheißejal, Scheißejal...

3.

Wer sich beim Näjele op dä Duume schläät, dä weet eets ens für Ping verröck, der frööt sich nit: "Wat woor dat jetz für´n Sick?“
Un wenn mer öhntlich jet jedrunke hät, fingk m´r die miehtste Wiever nett, och wenn m´r sich dann morjens erschreckt.
Da kannst do dann nix mieh dran ändre un beim nächste Mol, ess et dir wahrscheinlich widder ejal!

Ref.

(Et ess) Scheißejal, Scheißejal...

4.

Am Engk vum Leed ess wichtig, wat die Moral vun dä Geschicht ess, selvs Ejal ess nit einfach su ejal:
Et jit "Janz ejal, schnurzpiepejal, drissejal un scheißejal", wat ich och singe, ihr wisst wat ich mein!
Dä ühm dä säät: "Am Engk ess et ejal wie m´r et määt. Miehtstens ess et verkeeht!"

Ref.

(Dat ess dann och) Scheißejal, Scheißejal...