Samstadaach Naach
(Text & Musik: Klaus Fischer)

Ref.

Kumm her, treck ding jood Schohn ahn.
Loss jonn, stell dich nit esu ahn.
Diss Naach, maache mir eine drop.
Diss Naach, hührt bestemmp nit mieh op!

1.

Jede Samsdaach Ovend ess dat selve Spell,
keiner vun uns beide weiß su richtig wat hä well.
Sportschau, Traumhochzeit un dann noch su en Schau.
Jepflegte Langeweile intressiert doch keine Sau,

Ref.

Kumm her, treck ding jood Schohn ahn...

2.

Drusse in d´r Stadt, well ich hück Naach sinn.
Maach nit dat do sähs, "Jung dat es hück nit drenn!"
Ich pack dich unger minge ärm un dann Jeiht et aff.
Loss dich nit su hänge sei doch nit esu schlaff.

Ref.

Kumm her, treck ding jood Schohn ahn...

Bridge

Hück ovend well ich funky Music, Soul, Hip Hop un Rap.
Nemm ding Fööß in de Häng un maach mit.

Ref.

Kumm her, treck ding jood Schohn ahn...

3.

Ich denk nit draan, wat morje ess.
Diss Naach verjesse ich dä janze Dress.
Do sinn Lionel Richie, die Peppers un och Prince!
Die maache hück für uns Musik, do muß ich hin.

Ref.

Kumm her, treck ding joot Schohn ahn...