Räänwedderpirate
(Text & Musik: Oliver Kerk)

1.

Drusse räänt et.
Ich stonn am Finster un ich stell mer vüür,
wie et wöör wenn ich als Kapitän
op nem Schiff he em Rinnstein führ.
En dämm pisselije Rään
wööt et op eimohl tropisch schwül.
Zijarettekippe wööte Baumstämm
un em Buch kräät ich e jeck Jeföhl.

2.

He ahn Deck ess joot jet loss,
et weet jefleck jeschrupp un opjerühmp,
denn die Party die he leef en dämm Sturm letzte Naach
hätt uns fast öm dä Verstand jebraat.
Doch jetz han mer widder kloor Schiff,
kumme langsam widder drop
un su e Stürmche usserdämm määt uns Moral lang nit kapott.

Ref.

Denn mir sin Räänwedderpirate, die Segel voll em Wind.
Ussjelasse wie ne kleine Jung, dä durch de Pfütze springt.
All Seelück fürchte sich vor unsrem Lachangriff.
Doch jefährlich sin mer nit, bei uns ess keiner dä für Jeld sie Lävve jit.
En Mannschaff, die zosammehält, ess uns mieh wert als Jold un Jeld

3.

Drusse räänt et,
immer noch e diesig Jrau.
Us dämm Wedder, wie et em Moment ess,
weet suwiesu kein Minsch mieh schlau.
Alltägliche Routine
wie e Netz wat mer sich spinnt
jit irjendwann en Fall us der mer nit entrinnt.
Dojäje jit et nur die Mannschaff,
mit der mer durch et Lävve fährt.
Die sich nit ungerkrije lööt, janz ejal wohin et jeht

Ref.

Denn mir sin Räänwedderpirate...