Mieses Spill
(Text & Musik: Guido Alexius)
- 1.
- Wenn ich fröh an Morje opstonn, dann jeht et m´r ald schlääch.
Am leevste jing ich däm Rasiermetz us´m Wääch.
Dat Drecksding säät zwar immer: "Hück maach ich et besonders sanft un joot!"
Doch natürlich ess dat Stuß un jedesmol ess janz am Schluß et janze Waschbecke voll Bloot.
- Ref.
- Wat für e mieses Spill, wat für e mieses Spill. Do kann ich maache, maache wat ich well.
Un et weet m´r, et weet m´r baal zovill, he en däm miesen Spill.
- 2.
- Als Optimist, der ich jo bin, denk ich "Ne starke Kaffee, Jung, dä kritt dat widder hin."
Ich klick op die Maschin, et fängk ahn ze stinke un ze schmuure un dat Drecksding jeiht in de Luft!
Un ming Küch brennt lichterloh, ming Ärm, ming Hoore suwiesu
un öm mich eröm, do weet et schwazz wie in ener Jruft.
- Ref.
- Wat für e mieses Spill, wat für e mieses Spill...
- 3.
- Dat letzte wat m´r noch enfällt ess:„Jlich weed ich dä Herrjott sinn.“
Doch dann wach ich op em Krankehuus, bin badagiert bis unger´t Kinn.
Ich kann nit stonn, nit sitze, kann nit en´s mieh selver pisse jonn.
Un em Bett do nevven mir, do litt ne Typ, dä stink wie Dier un hührt dä janzen Daach nur Country-Songs (vun Johnny Cash un Denvers John).
- Ref.
- Wat für e mieses Spill, wat für e mieses Spill...
- Coda
- Op et Mondachs es, op et Dinsdachs es, och am Mittwoch han ich noch dä selve Driss.
Donnersdachs un Fridachs weet et och nit besser, op et Wocheengk schlief ich schon ald lang et Messer.
Un et weet m´r baal zovill, et weet m´r baal zovill, met däm miesen Spill.
