Mie Booch
(Text & Musik: Oliver Kerk)

1.

Ich wünsch mer ich hätt e Booch,
wo ich Jeföhle un Stimmunge,
wie en nem Album enklävve künnt.
Dat wenn ich et opschlaach,
alles enjekläävte widder lävve künnt.
Vun dä ihskaale Luft am eetste Daach em neue Joohr,
bis hin zom wärme Rään un vum Himmel och kloor.

Ref.

Schrief en mie Booch, schrief et Joode un et Schläächte.
Schrief vum Falsche un vum Räächte.
Schrief vum Haale un vum Jehaale wääde.
Schrief vum eetste Augenblick ahn bis Hück.
Schrief en mie Booch.

2.

Klääv mer Bilder vun Fründe, un e Mondgeseech en.
dä Geruch vun Meer, un Wind vun weit her.
Dat Flimmern der Luft, op em heiße Teer.
Et Ruusche vun Brandung, e beßje Urlaubsflair.

Ref.

Schrief en mie Booch...

3.

Mol mer ding Hoor em Wind, Stöb op der Strooß,
dat Flackern vun ner Kääz, wenn der Wind erin blööß.
Dä eetste richtije Krach, un ne Bleck zwesche uns zwei.
Bräng die Welt op et Papier, ich schenk Dir ming Erinnerunge dofür.

Ref.

Schrief en mie Booch...