Wie am letzte Daach
(Text & Musik: Oliver Kerk)

1.

Se saate all, paß op dä ess jeck,
dä Typ en dämm scheefe Huus, dä ess verröck!
Met singe Höhner un dämm rostje Wedderhahn,
zeigt sick Johre nur Wind vun Süden her ahn.

2.

Durch dä wilde Jaade met dä knorrije Bäum,
jeiht dä Wääch hin bes vüür sing Düür.
Ich jingk zo em hin, frooch mich nur nit woröm,
ich kohm einfach nit draan vürbei.

Ref.

Hä woor jeden Daach jlöcklich un hät nie jefrooch, ob dat nu dä letzte woor.
Sing Jeschichte die schrief hä sich jeden Daach neu, hät se Ovends em Kaminsfüür verbrannt.
Hä hät sich nie öm Morje jesurch, hät jelääv wie am letzte Daach.

3.

Kumm erinn, saat dä ahle Mann, un setz dich dobei,
Wat drinkste? Un hüür mer jet zo!
Wat ich dir saare kann, saach ich dir jään.
T´jläuv dir keiner, doch alles es wohr!

4.

Hä säät, hä hätt lang em Düstre jelääv,
hät alles probeet un alles durchlääv.
Hä woor bess janz ovve, wo die Einsamkeit waat,
un janz unge, do wo mer noh keinem mie frooch.

Ref.

Hä woor jeden Daach jlöcklich un hät nie jefrooch, ob dat nu dä letzte woor....

5.

Och Woot un Elend Trauer un Nuut,
hät hä jesinn, un Trümmer un Duut.
Sing Jeseech ess voll Falte, laach hä dich ahn,
Laachs do met, bess do nur noch half su ärm draan.

6.

Die Angst vür´m Lävve un wie et jonn kann,
do brennt hä sich ovends sing Kaminsfüür met ahn.
Hä hät alles jesinn, em ess alles bekannt.
Ich wünsch üch, ihr hätt en jekannt.

Ref.

Hä woor jeden Daach jlöcklich un hät nie jefrooch, ob dat nu dä letzte woor....