Leise Tön
(Text & Musik: Oliver Kerk)

1.

En Autofahrt koot noh halve zwölf, vun d´r Prob us noh Huss.
Dä Diesel dröhnt, die Ohre flöte. Wor ens widder janz schön laut!
Et jing joot aff hück, richtig rocke. Die Sau eruss, doch jetz es Rauh.
Noch die letzte Kurv, dann dä Motor uss: Op eimohl hürt m´r widder leise Tön.

Ref.

Ich hür die leise Tön, die sin bezaubernd schön.
Wenn mer nur hinhürt, dann weet m´r ahnjerührt.
E Uhreticke verzällt vun ahle Zigge. Su ene traumhafte Moment!
Ne Leechstrahl dä sich en ner Bierfläsch brich, liefert Stoff für e lang Jespräch.

2.

Em Huus es kein Leech mieh ahn. Ne stänekloore Himmel met nem ahnjesoffene Mond,
bestrahlt die janze Szenerie.
Et es ne Ovend zom dräume, wenn mer jo nit su verdammt mööd wör.
Zom Bäum ussrieße langk et lang nit mieh, ävver dat stührt mich nit.

Ref.

Ich hür die leise Tön, die sin bezaubernd schön...