Ich kenn dich
(Text & Musik: Oliver Kerk)

1.

Als do met fuffzehn jesaat häs, dat do baal ne ahle Mann wörs,
dä Durchblick hätts un övverhaupt wöss do jenau, um wat et jing.
"Verzäll m´r ens Jung, wat ich maache sull,
wenn die Kaar läuf, nur nit su, wie se sull?"

2.

Saach m´r ens Jung, met fuffzehn, do ess bestemmp su einiges anders.
Wie wör´t die Welt noch ens uss dinger Sicht ze sin?
Do wöör su maches nit verkrampf, ich saach, un verzeih m´r minge Ton:
Woor dinge janze Schwaad nit nur´n Illusion?

Ref.

Schlaach en Jung, denn ich weiß wä do bess!
Schlaach en Jung, denn ich kenn dich!
Kopp oder Zahl et kütt nit drop ahn.
Wat de hann wells, es eijentlich ejal.

3.

Wat ich verzäll, dat wullt ihr wesse? Ich troof en unge em Süden.
Ne andere Minsch dat woor hä jedenfalls. Die Welt dät em jehüre.
Hochnäsig, nä, dat woor hä nit, höchstens ärsch naiv.
Andererseits, wä woor dat nit? Mich dät dat nit stüre.

Ref.

Schlaach en Jung, denn ich weiß wä do bess...

4.

Wat ich jeliehrt han, wor op jeden Fall vill mieh als hä vun mir.
"Pessimist" hätt hä mich jeschand. "Jung, waat et aff" krät hä vun mir.
Op m´r sich jeck mät oder nit, dat ess am Eng vum Leed nit wichtig.
De Hauptsach ess, m´r kennt sich widder, ejal, wie lang et her ess...

Ref.

Schlaach en Jung, denn ich weiß wä do bess...