Fründe
(Text: Jörg Tranelis & Musik: Oliver Kerk)

1.

Ich sitz am Feld un luur dä Vögel no , wie se noh Süden trecke.
Un ich denk "et woor kein joot Joohr, mit 1000 Kante un Ecke".

2.

Dämm jroße Baum erfriert et Lävve, dat kann doch jahnit möglich sin.
Wo ess dann bloß die Zick jeblevve, in der ich jlöcklich bin?

Ref.

Doch Fründe trecke nit noh Süde, och wenn et Wedder kähler weed.
Och wenn die Daache kööter wääde, wie immer och d´r Wind sich drieht.

3.

Wie oft muß ich mich dann noch froore, "Wann weed et endlich widder sinn,
dat ich beim Opstonn eines Morjens, mit minge Dräum zofridde bin?"

4.

Ich weiß, et kütt en bessre Zick, wie lang dat duhrt dat weiß ich nit.
Doch wenn se kütt dann jonn ich mit, ich hoff dat et dann richtig ess.

Ref.

Doch Fründe trecke nit noh Süden, och wenn et Wedder kähler weed...