Vun fröher
(Text & Musik: Oliver Kerk)

1.

Dat ahle Fotoalbum litt opjeschlaare he om Desch,
ussjebliche, schwatz un wieß.
Familliebilder uss em Dorf lang noch vüür´m Kreech.

2.

Dä Ühm met Schöpp un Hau en d´r Enfahrt hinger´m Huus.
Nävvem Kaffee ´n Fläsch Schabau.
Schrääch dohinger steiht sing Frau.

3.

Räächts op dä Wies ne kleine Jung hängk ahn ner Schökkel voll em Schwung.
Et Hoor em Wind fast wie en Fahn,
dat muß do sinn, luur dich ens ahn!

Ref.

Verzäll vun fröher, wie et domols woor,
als Du dä Jung woors met dämm wuschelije Hoor.
Verzäll,verzäll mer alles janz jenau.
Verzäll vun fröher...

4.

Dat ahle Fotoalbum kütt mer manchmol vüür,
wie en Düür durch die ich jonn kann,
durch die Enfahrt bis zo dir.

Ref.

Verzäll von fröher, wie et domols woor...

5.

Dat ahle Fotoalbum litt opjeschlaare he om Desch.
Un do sitz mer jäjenövver
un verzälls mer us em Kreech.

6.

Zwei Määnner jung un alt: Neugier he un Weisheit do.
Hoff ich dat Du noch lang verzälle kanns,
dovun wie et fröher woor.

Ref.

Verzäll von fröher, wie et domols woor...