Draum vum Fleeje
(Text & Musik: Oliver Kerk)

1.

Schon als kleine Jung häs do, dinge Bap jefrooch, Papierflejer baue ze künne , jings em mächtich op d´r Nerv.
Immer widder nohjefrooch, dir ze zeije wie dat jing. Nix and´res wirklich jarnix wullt´s do wisse vun em.

2.

Wind övver Feldern, övverm satte Land. Ze fleje wie en Fedder, do häs do dich verrant.
Alles Andre jing dich nix ahn, denn drunger dät´s de´t nit. Affzehevve in en ruude Sonn, wat And´res joov et nit.

Ref.

Un jeden Daach, jeden Daach, dräums do d´r Draum vum Fleje – jeden Dach.
Un jeden Daach, jeden Daach, nur d´r Draum vum Fleje – vum Fleje.

3.

Schuum ovver Welle, Gischt an wießem Sand. Möwe hüürt m´r schreie, windjedraare övverm Strand.
Dinge Blick lööt sich nit fange, sehns do dich ald widder fott?
Ohne Ziel un ohne Landkaat, ohne Kompass flüchs do fott.

Ref.

Un jeden Daach, jeden Daach, dräums do d´ Draum vum Fleje ...

4.

Neulich han ich dich noh langer Zick ens widder jesinn.
Han dich jefrooch nohm Fleje övver Wolke em Sunnesching.
Häs jesaat, do dääts noch dräume, bloß jetz nit mieh allein. Die Flejerei die klappt vill besser zo zweit.

Ref.

Un jeden Daach, jeden Daach , dräums do d´r Draum vum Fleje ...