Film aff
(Text & Musik: Oliver Kerk)

1.

Wenn do noch ens widderköms hätt ich en janze Hääd voll Froore, un ich hänge dä Jedanken hingerher.
Wat do vun mir hale dääts, wat do mir ze saare hätts, wo mir em Lävve nit dä Moot dozo jehatt.
Do häs mich op Häng jedraare, ävver ohne mir ze saare,
wo et em Lävve für mich langzelaufe hätt,

2.

Sick dämm Daach an dämm do fott woors, bin ich ungerwäähs un söök dä Schnipsel en dämm Film dä mir noch fählt.
Ich wööt su jään met Hätzbloot moole, Bilder wärm un bunt, nit nur en nem kaale schwatz un weiß.
Ich sinn mich manchmol en ner Hauptroll, die et Drehbuch nit versteiht,
un die sich irjendwo noh nem Happy Ending sehnt.

Ref.

Film aff – nevven d´r Roll, Film aff – weiß nit jenau wat et soll,
Film aff – wohl doch Rock ´n Roll, Film aff – he op dä Bühn un em Saal,
Jeff einfach Jas, ess doch dat wat do maachs.
Film aff – un et Leech uss em Saal.

3.

Met dä Joore die en´t Land jonn un dä Saache die ich maach, kumm ich mir nöher, immer nöher, Stück für Stück.
Trotzdämm rührt et mich zo Troone, wenn ich denke wie et wöör, wenn do dobei wöörs, aff un zo ens noh mir loors.
Ich bin bemöht ming Roll ze spille, jevve wigger wat ich han, doch dat ess zum Teil nur schwatz un weiße Krom.
Wat ich alles ungernämme, nur um mich neu zu erfinge, ess hin un widder wirklich nit normal.

Bridge

Wie lang ess mer ungerwähs, wenn mer nit weiß noh wat mer söök?
Wenn do övver Naach nit schlööfs, weil do kein Anhnung dovun häs?
Wat am Murje noh dä Naach, als endlos lange Daach op dich waat?
Un mit jedem Augenblick Froore stellt die do nit blicks!

Ref.

Film aff – nevven d´r Roll, Film aff – weiß nit jenau wat et soll,...

4.

Wenn mir uns ens widder sin, noh dä janze Johre, jläuv et mir, do lävv ich nit drop hin.
Dann dunn mir en Rauh verzälle, vun dä Reise durch de Zick, die mer anjetrodde han, mir zwei.
Wat dobei erömkütt ess, nit dat woröm et jeiht, sondern nur noch dat mer sich ens widdersüht.
Eins dat weiß ich janz jenau, dat do wie ich op Rock ´n Roll, in jeder Hinsicht affjefahre bes.
Jottseidank, dat weiß ich hück, ess dat ne Säje keine Flooch, denn sonst wöör ich ald lang lebendig duut.
Also dann zum Engk vum Leed, op e andermohl Jung, maach et joot un et Leech uss em Saal...

Ref.

Film aff – nevven d´r Roll, Film aff – weiß nit jenau wat et soll,...