Jeder Droppe Rään
(Text & Musik: Oliver Kerk)

1.

Mem Auto ungerwähs, en lange Strooß jraaduss, Felder, Wiese, himmelblaue Horizont.
Em Kopp die ihwich ahle Frooch woher et kütt, wohin et jeiht,
woröm ne Minsch ne and're nit versteiht.

2.

Un dann em Radio John Lennon's Song "Imagine", et ess janz logisch, furchtbar einfach eijentlich.
Doch wie dämm Sisyphos dä Stein am Eng vum Wääch widder erafrötsch,
stonn die Minsche widder an dä selve Stell.

Ref.

Jeder Droppe Rään kütt, wie dä Vatter Rhing, irgendwann zum Meer. Un nur dä Wääch dohin
ess nit fessjeschrivve un hä ändert sich von Zick zo Zick. Nur die Sehnsucht nohm Meer
hät jeder Droppe Rään janz deef en sich.

3.

Manchmal kütt et mir su vür, als köhm ich vun nem andre Stään
un wöör Leechjahre entfernt, dabei lävve ich wirklich jään.
Villeich ess dat ävver och mie janz persönlich Babylon,
mem Kopp en Wolke un dabei och op da ääd ze stonn.

Ref.

Jeder Droppe Rään kütt, wie dä Vatter Rhing,...

4.

Et jitt immer Lück, die wisse janz jenau wo et lang jeiht. An Weisheit weet he nirjendwo jespart.
Doch dat dämm ein sing ühl dämm and´re en Naachtijall ess
un dinge Stairway to Heaven vielleich nur en Kellertrepp.

Bridge

Un wat se all verzälle un sich zänke wer hät Rääch. Hüür et Dir ahn, ävver hüür vor alledem
op die leise Stemm, die Sehnsucht en Dir drenn. Dat ess wohl dinge Wääch hin zum Meer.

Ref.

Jeder Droppe Rään kütt, wie dä Vatter Rhing,...