Broder Lau
(Text & Musik: Oliver Kerk)

1.

(Et ess:) Su ene Ovend wie et ene Ovend aff un zo ens em Lävve jitt.
Do steihs gedankenschwer am Tresen övverlääs die Für´s un Widder´s während do e Bierche kipps.
Et ess su, wie et ald ens woor, nur do kenns jetzt die fieseste Tricks,
mit dänne dich dä Typ, dä nävven dir am Tresen steht, miehtstens ömjeboore kritt.
Do kenns en janz jenau - dä Kääl dä dir su furchtbar ähnlich ess.
Do kenns och sing Tour - dat miese Spillche wat hä mit dir spillt.
Hä kennt dich janz jenau un weiß dat do dat Spill verliers – wenn do nit oppass, hät hä dich kassiert.

2.

(Hä säät:) Wie ess et un wat määs do övverhaupt, sick fürjem Joohr han mer uns nit jesinn.
Wat määt ding Spinnerei un och ding Arbeit, Jung? Ich gläuv dat kriss do nit zesamme hin.
Do bes einfach nit joot jenoch, fang doch noch ens jet Neues ahn.
Zick häss do doch e Lävve lang un do bes doch och vüür jahnix bang.
Jeff et doch dran - Daach für Daach häss do nur Hetzerei.
Dries op dä Dress – un süch zo dat do jet Bessres kriss.
Wenn do nie noh Stääne jrievs ess et kloor, dat do et versäächs -Jeff et doch zo do han ich wirklich Rääch!

Ref.

Hey Broder Lau mir zwei mir maache uns nix vüür – wenn ich gläuve wat do sähs, dann weet et für mich düür.
Nix Halves un nix Janzes kütt eröm bei dir.
Hey Broder Lau loss mich en Rauh – Loss mich en Rauh, Broder Lau!

3.

(Jo wat?) Wellst do do maache fällt dir jahnix mieh drop en un jenau dat hat hä kumme sinn.
Jetzt steihs do do wie all die Johre bes dä Jeck em Rään un drähs ding ühle noh Athen.
Et ess su wie et ald ens woor, bloß dä Kääl dä hät dozojeliehrt.
En dir dren läufs do em Kreis en dingem Labyrinth eröm un sööks dä Anfang vun dämm Ding.
Dat kann doch nit sinn – do weiß doch wat do wills un och wohin.
Do denkst ahn die Hätz – un wat et säät wenn keiner bei dir ess.
Loss dä Broder Stääne jaare, wenn hä meint dat et dat ess – do bes doch fruh dat et su ess wie ´t ess.

Ref.

Hey Broder Lau mir zwei mir maache uns nix vüür...

4.

(Et woor:) Su ene Ovend wie et ene Ovend aff un zo ens em Lävve jitt.
Do stunds gedankenschwer am Tresen övverlaats die Für´s un Widder´s un do hatts e Bier jekipp.
Et wor su, wie et ald ens woor, do häs jedaach do kenns die janze Tricks,
mit dänne dich dä Typ, dä nävven dir am Tresen stund, immer widder zänke däät.
Do kenns en janz jenau - dä Kääl dä ess die andre Sick vun dir
Do kenns och sing Tour - dat Spill wat do schon ihwich mit em spills.
An wä die letzte Rund jeht, ess ejal un spillt kein Roll – ob do et wohr hann wells hä ess un bliev, jenau:

Ref.

Hey Broder Lau mir zwei mir maache uns nix vüür...