Zo jung für dä Blues
(Text: Oliver Kerk & Musik: Cadillac Blues Band)

1.

Dat do en Kaar hann mööts‚ selvsverständlich, häs do jesaat.
Kein Lust mieh me´m Fahrad op dä Päädswääch hätts do.
övverhaup mit nem Auto un nem Mopped suwiesu,
wöör doch viel cooler für die Fraulück un esu.

2.

Wat do ene Streß hatts, neulich vuür dä Discothek.
Met dingem Handy, dat et dat eifach esu nit mieh däät.
Schlimmer als dat woor nur noch die Blamaasch.
Dat mit dämm Taxi, dinge Roller woor plötzlich am Aasch.

Ref.

Ding einzije Surch ess, dat et Jeld raankumme muss,
für Sprit un Klamotte un e Handy, ech e Muss.
Paar Mark für e Bierche‚ jet ze rauche, dann ess schon Schluss.
Jung, wenn ich dat ahnsinn bess do wirklich – zo jung für dä Blues.

3.

Do woors ald am jonn, doch dat Mädche am Ennjang fands do verschärft.
Mem Roller om Hingerrad, dat mööt et dunn, häs do dir jedaach.
Dat Mädche däät loore, nur leider ze spät.
Do loochs do om Rögge‚ jenau vüür da Diskothek.

4.

Dä einzje dä richtig Pech hat ahn dämm Ovend, dat woor dinge Fründ,
weil vun dämm hatts do dir nämlich da Roller jeliehnt.
Zum Fahre douch da jetz nit mieh, allenfalls noch als Dekoration,
für en Fahrschull: "Wie mer et nit määt!", dat süht mer dodran schön.

Ref.:

Ding einzije Surch ess, dat et Jeld raankumme muss....

5.

Dinge eetste Jedanke woor, jetz ävver nix wie nohuss.
Doch leider woor ding Handy wahrscheinlich e bessje konfuus vun dämm Sturz.
Och jet für ze rauche kunnts do nit finge en dämm Moment.
Ding Breeftäsch mit dinge Saache, die hatt sich unger däm Roller verklemmp.

Ref.

Un su koom et, weil et jahnit anders kann:
Do sproch´s dat Mädche einfach ahn.
Ob se jet ze rauche hätt un e Handy, dat wöör nett.
Un wat für schöne Aure, ihrlich!!! (Zo jung für da Blues!)