Angst vür´m Falle
(Text & Musik: Oliver Kerk)

1.

Et wor widder su e Wocheengk, wat vill ze koot woor, öm ze raffe, wat letzte Woch woor.
Widder su en Naach wo ich wachliech un mich froch, ov d´r Silvermond em Jaade mich belüch.

2.

Still un friedlich steiht hä do. Silverjrau, jeheimnisvoll. Wie op ner Postkaat, nä, he jit et keine Kreech!
Dat es et einzije wat ich hoffe, dat de Minsche ens kapiere: dat m´r Kreje einfach nit jewinne kann.

Ref.

Angst vür´m Falle! Angst vür´m Falle!
Ess et echt su, dat m´r ´t einfach nur nit schnalle?
Un dat einzje wat uns driev, es die verdammte Angst? Nur die Angst vür´m Falle?

3.

Zick Jahrtausende, su sching m´r ess et Schicksal , dat sich Minsche övver´n Landkaat däue wie em Schach.
Bloß wat zoröckbliev, dat sin ärm Säu, die em Lävve, wirklich nix un nie mieh jet ze laache han.

4.

Och die Siejertype sin nur op dä eetste Blick joot dran. Eijentlich sind dat och welche, die nix zo verliere han.
Et jit kei Richtich un kei Falsch, schwazz un wieß misch sich zo jrau. Denn dat einzje wat se kenne, joot un janz jenau, es die

Ref.

Angst vür´m Falle...

5.

Manchmol sät m´r, m´r wöre en de falsche Zick jebore. Für´t gebore wede kann m´r jo nix für.
Trotzdem wünsch ich m´r vun Hätze, dat dä Wääch dä m´r zo jonn han, nit e Laufrad ess, en däm m´r älder weed.

6.

Einfach nur ze jläuve, datz am Eng alles joot weed, ohne dat m´r dofür och e beßje jet dun mööt,
es meiner Meinung nach en Illusion, un m´r weiß doch och en lange Zick schon...

Bridge

...dat wer met Hoffnung un Liebe durch et Lävve jeiht, dä erntet wat hä säät. Ohne

Ref.

Angst vür´m Falle...